Пікеты па зборы подпісаў за кандыдатаў папулярная і эфектыўная форма збору подпісаў у Мінску - у сталіцы і вялікіх гарадах яны з'явіліся ў першы ж дзень працы ініцыятыўных групаў. У Оршы ў ранейшых выбарчых кампаніях былі толькі адзінкавыя выпадкі збору подпісаў праз вулічныя пікеты. Але ў гэтым годзе штаб кандыдата Анатоля Лябедзька актыўна выкарыстоўвае пікеты не толькі ў Мінску і абласных гарадах. Таму першы пікет па зборы подпісаў за кандыдатаў у нашым горадзе быў праведзены менавіта штабам лябедзькі. У нядзелю 26 ліпеня пікет прайшоў каля рынка.
Не звачаючы на тое, што многія аршанцы ўвогуле яшчэ не ведаюць, што набліжаюцца выбары і што гэта будуць за выбары, пікет аказаўся эфектыўным - людзі падпісвалі актыўней чым у папярэдніх выбарчых кампаніях. Агулам за час пікетавання было сабрана больш за 80 подпісаў. Аб'яднаная грамадзянская партыя плануе праводзіць пікеты і ў іншых месцах, а на рынку кожныя выходныя. Па нашай інфармацыі, іншыя штабы кандыдатаў пакуль не планавалі актыўна выкарыстоўваць такую форму для збору подпісаў, але не выключаны адзінкавыя пікеты з удзелам саміх кандыдатаў у прэзідэнты.
