Вусцішная гісторыя адбылася летась. Тады яшчэ 11-гадовы Стас Мушаценка з аграгарадка Якубава Дубровенскага раёна катаўся на арэлях і паламаў левую руку. З-за памылак урачоў, у якіх да канца не разабраўся яшчэ ніхто, хлопцу ампутавалі руку і ён стаў інвалідам 2-й групы. Апошняя пенсія склала 1 мільён 300 тысяч рублёў. Маці Стаса працуе даяркай, бацька ездзіць на заробкі.
Штогод яму неабходна мяняць пратэз, так будзе доўжыцца да 20 гадоў, пакуль арганізм маладога чалавека не сфармуецца. Іншыя дзеці дапамагаюць яму ў школе, хлопец пакуль трымаецца аптымістычна.
Падрабязней пра жыццё Стаса Мушаценка, пра яго сям'ю і ўрачоў - у рэпартажы журналістаў tut.by.
