У суботу скончыцца вылучэнне сябраў участковых выбарчых камісіяў - тыя камісіі, якія будуць непасрэдна весці падлік галасоў выбаршчыкаў. Фармуюцца гэтыя камісіі мясцовымі выканкамамі, таму звычайна прадстаўнікі дэмакратычных арганізацый у іх і не патрапляюць. У сувязі з гэтым і партыі ад выбараў да выбараў усё меньш вылучаюць людзей у выбарчыя камісіі. На гэтыя выбары некаторыя партыі Оршы ўвогуле прадстаўнікоў у камісіі вылучаць не плануюць.
Найбольшую колькасць сваіх прадстаўнікоў сярод дэмакратычных партый Аршаншчыны, традыцыйна, вылучыць партыя "Справядлівы Свет". Іх гарадская і раённая арганізацыі агулам плануюць вылучыць не меньш за 24 чалавекі па раёну. Аб'яднаная грамадзянская партыя збіраецца запрапанаваць у склад камісіяў не меньш 7 чалавек. Таксама плануюць вылучыцца сябры аргкамітэту па стварэнні партыі Беларуская Хрысціянская дэмакратыя - некалькі іх прадстаўнікоў будуць прапанаваныя як ад падпісаўшыхся грамадзянаў, так і ад імя іншых арганізацый.
