У дзень Беларускай вайсковай славы людзі зноў прыязжалі на месца Бітвы пад Оршай. Колькасць прыязжаючых падлічыць не магчыма, бо арганізаваную вандроўку, па нашых дадзеных, рабілі толькі аршанскія грамадскія кампаніі "Мы аршанцы, мы беларусы" і "Беларускі сад". У аўтобусе, які быў спынены па дарозе міліцыяй для праверкі дакумантаў, што стала ўжо звыклай справай, на поле прыехала каля 30 чалавек. Удзельнікі вандроўкі усклалі кветкі да камянёў з партрэтамі ўдзельнікаў Бітвы, камяня з ганаровай шыльдай і крыжа, запалілі знічы і пачыталі малітвы за Беларусь.
Прыязжалі людзі на Крапіўна не толькі 8 верасня, але і бліжэйшыя да даты дні. 4 верасня поле каля вёскі Гацькаўшчына наведаў пісьменнік Уладзімір Арлоў. А ноч з суботы на нядзелю невялікім лагерам з намётамі тут правяла група моладзі з розных гарадоў краіны.
Таксама вядома, што ў ноч з суботы на нядзелю побач з вёскай Крапіўна прайшоў традыцыйны бардаўскі фэст, традыцыйна фэст прайшоў у канспіратыўным месцы, таму быў не шматлікім.
