Традыцыйна вясковыя жыхары меньш карыстаюцца інтэрнэтам за гараджанаў, тым больш, у вёсцы пражывае шмат сталых людзей для якіх новыя тэхналогіі, пераважна, увогуле не даступныя. Адкуль жа браць інфармацыю пра жыццё роднай вёскі? У Стаўрах маецца адзін інфармацыйны стэнд, але да яго яшчэ трэба дайсці.
Для вяскоўцаў і пра вяскоўцаў пачаў выдавацца бюлетэнь "Стаўроўская газета". Ініцыятарам выдання і рэдактарам стаў старэйшына вёскі Ігар Грышанаў. Плануецца, што бюлетэнь будзе выходзіць 1 раз на месяц. Жнівеньскі нумар ужо дайшоў да сваіх чытачоў (распаўсюджваецца бюлетэнь бясплатны і даходзіць амаль да кожнага жыхара Стаўроў), вераснёўскі рыхтуецца да выдання. Акрамя вясковых навінаў ёсць і забаўляльная апошняя старонка, дзе пададзены смяшынкі, народны каляндар і народныя павер'і звязаныя з сельскагаспадарчымі працамі. Мова выдання - беларуская
