Гісторыя пра "мёртвыя душы", якія актыўна "галасуюць" на прэзідэнцкіх выбарах у Беларусі, не з'яўляецца выдумкай. Гэта чарговы раз даказалі непразрыстыя выбары ў кастрычніку 2015 года. У некаторых гарадах Беларусі ў "свежых і правераных" спісах выбаршчыкаў знаходзіліся людзі, якія памерлі яшчэ ў 90-я гады. А ў Оршы для галасавання дома "запісаўся" мужчына, які памёр яшчэ ў верасні.

Тое, што такая колькасць чалавек нават фізічна не можа прагаласаваць па месцы жыхарства яскрава дэманструе прыклад такога галасавання, які быў зафіксаваны на ўчастку №8 у горадзе Орша. Там па дадзеных камісіі яшчэ з самай раніцы выказалі жаданне прагаласаваць па месцы жыхарства каля 350 чалавек (дакладную лічбу кіраўнік выбарчай камісіі адмовілася прадаставіць). 350 чалавек з 1904 выбаршчыкаў. Гэта лічба складае больш за 18% ад агульнай колькасці выбаршчыкаў, зарэгістраваных на ўчастку. У 10.00 выехала 2 групы па 2 чалавекі з ліку сябраў участковай выбарчай камісіі. Адна група ўзялася аб’язжаць 50 чалавек, другая - 300 чалавек. Калі камісія абыходзіла адрасы грамадзян, якія запісаліся для галасавання на даму, пяты з такіх грамадзян аказаўся памерлым яшчэ ў верасні.

Узяць з сабой назіральнікаў, група якая мела намер аб’ехаць 300 чалавек, катэгарычна адмовіліся, спаслаўшыся на адсутнасць свабодных месц у машыне. Вярнулася гэта группа ў 15.50. Такім чынам, 300 чалавек яны паспелі аб’ехаць за 4 гадзіны 50 секунд. На аднаго чалавека камісія траціла 1 хвіліну 10 секунд. Ці рэальна гэта? Канешне не.

Паводле матэрыялаў кампаніі "Права выбару".