Перад выходнымі 23 кастрычніка ў вёсцы Стаўры ішлі работы па падсыпцы вуліцы Пуцяціна. Ад работаў засталося некалькі вялікіх кавалкаў асфальта, якія былі скінутыя ў рэчышча Куцеенкі. Прычым, у тое самае месца, дзе летам гэтага году мясцовыя жыхары ладзілі талаку па прыборцы. Па словах мясцовых жыхароў, якія аказаліся сведкамі інцыдэнту, здзейснілі гэта работнікі спецаўтабазы. Больш за тое, калі б стаўроўцы самі не зрабілі заўвагу, то рабочыя скінулі б туды і яшчэ некалькі камкоў асфальту.
Цяпер жыхары вёскі рыхтуюць калектыўную скаргу, а на месцы ўжо прысутнічаў інспектар аховы прыроды і пасля выходных варта чакаць першай афіцыйнай рэакцыі.
