Працягваем публікаваць дадзеныя Міністэрства фінансаў па прыбытках адкрытых акцыянерных таварыстваў нашага рэгіёна. Мы ўжо публікавалі дадзены па Аршанскім, Лёзненскі, Дубровеснкім і Сененскім раёнах. Сёння - Талачынскі раён.
З Талачынскага раёну ў спісе Мінфіна прадстаўлена 13 падпрыемстваў. Чысты прыбытак з іх атрымалі 5. Пры гэтым, два з іх атрымалі вялікія прыбыткі: "Талачынскі элеватар" змог зарабіць 7.050 мільёнаў рублёў, прадпрыемства "Каралькі" змагло зарабіць 2.111 мільёнаў. Яшчэ тры прадпрыемствы атрымалі адносна невялікія даходы: "Камсамольская праўда" зарабіла 438 мільёнаў, "Друцк-агра" 104 мільёны, а "Слаўнае" 58 мільёнаў. Астатнія прадпрыемствы выйшлі ў мінус. Найменьшы мінус у прадпрыемства "Абольцы" - 1.513 мільёнаў, "Коханаўскі ільнозавод" атрымаў мінуса 2.252 мільёны, "Зорны-Агра" - 2.796, "Звянячы" - 2.771, "Жукнева" - 2.780, "Талачынскі райаграсэрвіс" - 2.696 мільёны.
Самыя вялікія мінусы за год атрымалі "Амкадор-КЭЗ" - 3.392 і Коханава-Агра - 4.977 мільёнаў.
