Як вядома, раней Аршанскі раён і Орша ўваходзілі ў склад 2-х акругаў - Аршанскай гарадской № 26 і Аршанскай Дняпроўскай № 27. Першая з іх уключала ў сябе большую частку Оршы, акрамя Чаромушак, Вакзала, раёна чыг. тэхнікума і Заходняй, а другая - астатнюю частку горада, Аршанскі раён, Барань, Копысь, Балбасава і Дубровенскі раён.
Цяпер сітуацыя крыху змянілася. Па-першае, Аршанская гарадская акруга будзе мець нумар 25, а Аршанская Дняпроўская - нумар 26. Па-другое, са складу Аршанскай дняпроўскай акругі цалкам выключаны Дубровенскі раён, затое ёй перадаецца тэрыторыя мікрараёна №1 з вуліцамі Сямёнава, 60 год БССР і Задняпроўская з складу Аршанскай гарадской акругі.
Магчыма, такі падзел зроблена спецыяльна пад нейкага кандыдата ад улады, які жыве ў першым мікрараёне, а працуе на тэрыторыі раёна. Самая бліжэйшая будучыня пакажа, наколькі апраўданыя гэтыя здагадкі.
