Сацыяльна-педагагічная ўстанова "Андрэеўскі дзіцячы дом" знаходзіцца па завулку Школьны, 1, у Андрэеўшчыне. Шэфства над дзіцячым домам мае Міністэрства абароны. Для выхаванцаў інтэрната было пабудавана футбольнае поле, на якім нядаўна атрымаў траўму адзін з гуляўшых на ім маладзёнаў. "З кім не здараецца, звычайная сітуацыя" - скажаце вы. І будзеце мець рацыю, футбол, як і большасць відаў спорту, нясуць у сабе тую ці іншую верагоднасць траўмы і звароту да медыкаў. І ніхто не зачыняе стадыёны, не спыняе матчы з-за таго, што нехта атрымаў пашкоджанне звязак, удар калена ў звычайным матчы. Але кіраўніцтва інтэрната забараніла ўваход на тэрыторыю невялічкага стадыёна, цяпер тут ніхто не гуляе, нягледзячы на спрыяльныя ўмовы надвор'я і прыдатную да футбола якасць поля.
