Ліберальна-дэмакратычная партыя Расеі на чале з адыёзным і скандальным лідарам Уладзімірам Жырыноўскім з'яўляецца адной з найбольш вядомых палітычных партый суседняй Расеі. Была створана ў 1989 годзе. Нягледзячы на сваю назву, на думку многіх знаўцаў ЛДПР не трымаецца ідэяў ліберальнай дэмакратыі. У сацыяльнай сферы грамада прытрымліваецца ідэяў расхвальвання расейцаў і Расеі, а ў эканамічнай сферы яны прытрымліваюцца поглядаў змяшанай эканомікі. З моманту свайго заснавання заяўляюць аб сваёй незадаволенасці ўрадам, аднак некаторыя палітолягі апазіцыйнасць ЛДПР аспрэчваюць.

У Расеі прадстаўнікі ЛДПР раздаюць пакеты з падарункамі, у якія ўваходзяць, напрыклад, дэзадаранты і гарбата.

Цяпер ЛДПР рыхтуецца да выбараў Дзяржаўнай Думы Расеі, але спрабуе дзейнічаць і ў Беларусі. 23-га чэрвеня на вуліцах у цэнтры Оршы былі заўважаны маладзёны з сімволікай ЛДПР, патлумачыць паходжанне сімволікі яны адмовіліся. Акрамя таго, некаторыя з іх пішуць допісы пра ЛДПР у сацыяльных сетках, напрыклад, у папулярным цяпер Instagram.

А вось апісанне працы моладзевага сектару ЛДПР:

Што забылі расейскія шавіністы, якія прапагандуюць вайну супраць Украіны і міфічную абарону "русских" ва ўсім свеце на тэрыторыі незалежнай Беларусі? Відаць, партыйныя актывісты ЛДПР шукаюць новых, яшчэ не трывалых у сваіх поглядах на жыццё людзей. Але чаму ў Беларусі? Камусьці мала Данбасу і Крыма?