Як мы ўжо паведамлялі, Сяргей Калякін падаў спіс ініцыятыўнай групы на рэгістрацыю кандыдатам у дэпутаты Палаты прадстаўнікоў па Оршы. На сустрэчы з аршанцамі ён патлумачыў прычыны такога рашэння.
Па словах палітыка, у цэлым "Справядлівы свет" плануе вылучыць каля 60 кандыдатаў. Таму і партыйны лідэр таксама павінен удзельнічаць у гэтым працэсе. А сам ён родам з Віцебскай вобласці, таму менталітэт жыхароў Аршанскага рэгіёна для яго блізкі і зразумелы. Калякін паведаміў прысутным, што ён вітае ідэю вылучэння некалькіх кандыдатаў ад дэмакратычных сіл на акругу, таму што гэта дапаможа на яго погляд правесці паўнавартасныя дэбаты паміж кандыдатамі.
Былі закрануты і праблемы, якія аршанцы лічаць для сябе актуальнымі. Сярод іх высокае беспрацоўе, нізкія зарплаты, зусім слабое медыцынскае абслугоўванне, дрэнная якасць пітной вады ў паўночнай часткі Оршы і іншыя.
