У сваіх зводках МНС яшчэ 2-га ліпеня ўказвала на 4-ы - самы высокі узровень пажаранебяспекі ў Аршанскім, Дубровенскім і Віцебскім раёнах - у заходняй частцы вобласці пажаранебяспечнасць меньшая. 6-га ліпеня, нарэшце, улады прынялі рашэнне забараніць наведванне лясоў у сувязі з рэкамендацыяй пажарных. Пакул ьзабарона не будзе знятая, то ў лес нельга будзе заязжаць на транспарце (акрамя дарогаў якія вядуць праз лес у населены пункт), самастойна адкрываць шлагбаўмы, якія на гэты час усе апускаюцца. А знаходзіцца ў лесе можна толькі на асобных абсталяваных пляцоўках для адпачынку, якія стаяць на ўскрайках лясоў каля дарогаў.
Калі ж вы вырашылі парушыць забарону, то майце на ўвазе штрафы. За парушэнне забароны прадугледжаны штраф у памеры 25 базавых адзінак - 5.250.000 старымі грошамі або 525 рублёў новымі.
А калі з-за вашага непаслухмянства пацерпіць лес ці тарфянікі, то штраф можа вырасці ўдвая.
