Першымі пачнуць выступаць на тэлеканале Беларусь-3 кандыдаты Аршанскай гарадской акругі. У панядзелак 22 жніўня на тэлебачанні першым а 19-00 свой пяціхвілінны выступ прадставіць Сяргей Калякін, а 19-05 гаварыць пачне Людзьміла Дабрыніна, а 19-10 Сяргей Жудро і а 19-15 Яўген Пазднякоў. 29-га жніўня а 7-00 усе гэтыя кандыдаты сустрэнуцца на тэледэбатах.
У чацвер - 25 жніўня - на тэлебачанне выйдуць кандыдаты Аршанскай Дняпроўскай і Сенненскай акругі: у 19-00 выступіць Яўген Анішчанка, 19-05 Мікалай Жукаў, 19-10 Віталь Чудовіч, 19-15 Дзмітрый Казлоў. З 19-35 выступаць пачынаюць кандыдаты Сенненскай акругі, пачне Алена Дзям'яненка, а 19-40 выступіць Анатоль Лукашоў і а 19-45 вылучэнец Партыі БНФ Аляксей Гаўруцікаў.
Выступы на радыё прагучаць пазней. 30 жніўня выступяць кандыдаты па Аршанскай гарадской акрузе: у 7-00 Калякін, а потым з розніцай у пяць хвілін Людзьміла Дабрыніна, Сяргей Жудро, Яўген Пазднякоў. 2 верасня з 7 да 7-20 у наступным парадку выступяць кандыдаты: Дзмітрый Казлоў, Мікалай Жукаў, Яўген Анішчанка, Віталь Чудовіч. А ў перыяд з 7-35 па 7-50 Алена Дзям'яненка, Анатоль Лукашоў і Аляксей Гаўруцікаў. У ОРшы радыё-выступы можна будзе пачуць на хвялах 102,4 FM.
