Пра гэта дамовілася адмысловая Расійска-Беларуская камісія на паседжанні ў Санкт-Пецярбургу. Рашэнне выклікана заморам у Дняпры, які адбыўся летам 2016 года. Нагадаем, што тады адбыўся масавы замор рыбы з-за натуральных экалагічных прычынаў на тэрыторыі Расіі. Мёртвая рыба некалькі дзён плыла, у тым ліку, праз Оршу. У выніку катаклізму, па падліках экспертаў, загінула парадка 20% усёй рыбы на нашым участку ракі.
Мінулы раз (у 1985 годзе) падобны замор прывёў да таго, што папуляцыя рыбы аднаўлялася на парцягу 20 гадоў. На гэты раз ахоўнікі прыроды плануюць не чакаць два дзесяцігоддзі і таму супольнымі намаганнямі правядуць штучнае зарыбленне Дняпра.
