Пісаючы хлопчык - адна з самых вядомых у свеце скульптураў і турыстычная "фішка" сталіцы Бельгіі. У наступным месяцы гэты знакаміты хлапчук упершыню апранецца ў ільняную вопратку. Касцюмчык для помніка ўжо пашыты з ільна Аршанскай вытворчасці. Прычым, тканіну рабілі з адмысловай прапіткай, каб на яе не ўплывала надвор'е. Акрамя тканіны для хлопчыка зрабілі абутак, шапку - усё зроблена прадпрыемствамі "Беллегпрома" і выканана ў выглядзе беларускага нацыянальнага касцюма.
Акцыя пройдзе ў гонар 25-годдзя дыпламатычных адносінаў паміж нашай краінай і Бельгіяй.
