На 37 месцаў у Аршанскім райсавеце, па інфармацыі раённай выбарчай камісіі, ў гэтым годзе прэтэндуюць 76 чалавек. Гэта амаль 2 чалавекі на месца. Але не на кожнай акрузе будзе па два кандыдаты. Тры акругі Аршычная №2 (раён вуліцы Астроўскага), Будаўнічая №3 (раён вуліцы 1 мая), Маладзёжная №8 (раён медычнага коледжа) маюць па тры кандыдата. А вось акругі за межамі Оршы пераважна застаюцца безальтэрнатыўнымі - гэта Наберажная №28 (г. Барань), Высокаўскі №32 (частка Высокаўскага сельсавету), Крапівенская №33 (Крапівенскі, Барздоўскі сельсаветы і дадаткова некалькі вёсак), Бабінічская №34 (Бабінічскі сельсавет і некалькі вёсак), Копыская №35 (Копысь, Зубаўскі, Вусцянскі сельсавет без некаторых вёсак), Забалацкая №36 (Забалацкі і Задроўскі сельсавет з некалькімі дадатковымі вёскамі) і Межаўская акруга №37 (Межаўскі сельсавет без некалькіх вёсак). Кандыдатаў магло б быць і болей, але 5 прэтэндэнтам было адмоўлена ў рэгістрацыі. Усе адмовы былі звязаныя з дэкларацыямі пра даходы. Такім чынам не сталі кандыдатамі сябра партыі "Справядлівы Свет" Васіль Кабачэўскі, які зараз абскарджвае рашэнне камісіі (ішоў па Цэнтральнай акрузе №1), Ларыса Асанава не ўказаўшая даход ад продажу аўтамабіля (Усходняя акруга №19), Ольга Рыбкіна па Партызанскай акрузе №22, Ігар Грышанаў па Крапівенскай акрузе №33, цяпер акруга безальтэрнатыўная і Васіль Чукасаў па Межаўскай акрузе №37, акруга таксама засталася безальтэрнатыўная.На альтэрнатыўных акругах растаноўка сілаў наступная: адзін кандыдат праўласны, другі прадэмакратычны. Часцей за ўсё гэта сябры зарэгістраваных партыяў і аргкамітэтаў па стварэнні партыяў. Хаця многія дэмакратычныя кандыдаты вылучаліся не ад партыяў, а зборам подпісаў, або адначасова двума спосабамі.
Агулам зборам подпісаў вылучаныя 30 кандыдатаў, працоўнымі калектывамі - 15, парцоўнымі калектывамі і зборам подпісаў адначасова вылучаны 16 кандыдатаў, партыйным вылучэннем скарысталіся 12 чалавек і адначасова партыйным вылучэннем і зборам подпісаў - 3 чалавекі.
Толькі тры партыі існуючыя ў Оршы вылучалі сваіх кандыдатаў з дапамогай партыйнага вылучэння - гэта камуністычныя "Справядлівы Свет" і камуністычная партыя Беларусі ды ліберальная Аб'яднаная грамадзянская партыя. "Справядлівы свет" вылучыў 6 кандыдатаў, КПБ - 5, АГП -4.
У хуткім часе наш сайт апублікуе поўны спіс кандыдатаў ў Аршанскі райсавет. Сачыце за абнаўленнямі.
