Па інфармацыі Беларусбанка па стане на ўчорашні дзень па ўсёй краіне было адкрыта ўсяго толькі 39 рахункаў выбарчых фондаў, прычым усе адкрыты ў Мінску. Сёння першы рахунак для выбараў адкрыты ў Оршы.

На гэтых выбарах дзяржава больш не фінансуе выбарчыя кампаніі кандыдатаў, але каб надрукаваць улёткі, у іх ёсць магчымасць ствараць адмысловыя рахункі ў Беларусбанку.

Першым кандыдатам у дэпутаты, які адкрыў свой рахунак, стаў Ігар Казмерчак, які вылучаецца адначасова ў два Саветы - Віцебскі абласны і Аршанскі раённы. У Віцебскі абласны Савет кандыдат вылучаецца па раёну Ільнокамбіната (увесь прашпект Тэкстыльшчыкаў з прылеглымі вуліцамі і часткай Цэнтру), у раённы Савет па частцы Заходняй (каля 14 школы), Лясным і раёну мясакамбінату. Вылучэнне ў два Саветы адначасова дае магчымасць кандыдатам павялічыць свае выбарчыя фонды. Калі чалавек вылучаецца ў раённы Савет, то фонд не можа перавышаць 10 базавых велічыняў, у абласны - 30, але вылучэнне адначасова ў два Саветы дазваляе павялічыць фонд да 40 базавых велічыняў. Базавая велічыня на сёняшні дзень складае 130.000 рублёў.

Кожны грамадзянін Беларусі добраахвотна можа пералічыць у выбарчы фонд не больш за 2 базавыя велічыні (260.000).

поўныя рэквізіты рахунку: АСБ "Беларусбанк", філіял №215 г. Орша, вул. Леніна, 81 УНП 30046375 рахунак№ 3819383202147 МФО 150801647

Ужо сёння вядома, што свае выбарчыя фонды плануюць адкрыць Канстанцін Анташкевіч, Мікалай Дзямідаў, Аляксандар Шутаў