Мікалай Шарснёў, які з'яўляецца старшынёй выканаўчага камітэта Віцебскай вобласці, паставіў перад новым мэрам Оршы Леанідам Пянькоўскім задачу падвоіць усе паказчыкі сельгасвытворчасці. Не абышлося і без традыцыйнага ўзгадвання пра "задачы, пастаўленыя прэзідэнтам краіны":
Прэзідэнт пазначыў у цэлым па краіне і канкрэтна па Аршанскім раёне пытанні - занятасць, узровень заработнай платы, мадэрнізацыя прадпрыемстваў. Усе гэтыя пытанні цесна ўвязаныя. Аршанскі раён з яго прамысловым патэнцыялам і лепшымі ў вобласці зямельнымі ўгоддзямі павінен быць лакаматывам нашага рэгіёну. Аршанская інтэграцыйная структура АПК павінна быць самай моцнай у галіне, тут павінны быць лепшыя ў краіне эканамічныя паказчыкі. У нас усё для гэтага ёсць. Ёсць добрыя землі, 20 адзінак сучаснай тэхнікі паступіла ў мінулым годзе, у бягучым - ужо больш за 80 адзінак трактароў і сельгасмашын. І гэта яшчэ не ўсё. Прыйдзе сучасная кормаўборачная тэхніка і збожжаўборачныя камбайны. Усё робіцца для таго, каб павысіць прадукцыйнасць працы і эфектыўнасць вытворчасці.
Таксама Мікалай Шарснёў агучыў планы па збудаванні новых жывёлагадоўчых фермаў. А такім прадпрыемтсвам, як "Задняпроўскі" і "Юбілейны" варта стаць на шлях мадэрнізацыі і пачаць адпавядаць стандартам сучасных фермаў. У "Вусці" з'явіцца ферма на 1 тысячу дойнага статку, а ў "Юбілейным" і "Задняпроўскім" па 2 тысячы кожная. Такім чынам улады разлічваюць цалкам загрузіць малочны завод. Кіраўнік вобласці адзначыў, што перад Леанідам Пянькоўскім стаіць задача за самы кароткі час рэалізаваць эканамічны патэнцыял Аршанскага раёну, якім той цяпер загадвае.
