Праўда, у справаздачы галоўнага статыстычнага ўпраўлення краіны не ўсе лічбы характарызуюць стан рэчаў. Мы выбралі з іх найбольш важныя. Так, у Аршанскім і ва ўсіх суседніх з нашым раёнах Віцебскай вобласці, на вытворчасцях маюцца запасы гатовай прадукцыі. Найменьшыя яны ў Сененскім раёне (але варта разумець, што і вытворчасць тут не вялікая) усяго 0,2% ад месячнай вытворчасці, у ЛЁзненскім раёне - 2,2%. У Дубровенскім раёне на складах амаль чверць прадукцыі - 25,3%. А найбольшыя запасы ў Аршанскім (125,4%) і Талачынскім (173,1%) раёнах.
Ва ўсіх раёнах акрамя Лёзненскага, адзначана павышэнне вытворчасці сельскагаспадарчай прадукцыі. У Лёзненскім выраблена 90,8% ад узроўню такога ж перыяду мінулага года. Прычым, у тым перыядзе было нароблена 86,6% ад такога ж перыяду 2015. У Аршанскім раёне, праўда, рост не значны - 101,1%. У Дубровенскім - 106,9%, а ў Сененскім і Талачынскім крыху больш за 118%.
Ва ўсіх раёнах сальда экспарта/імпарта станоўчыя (экспарта больш чым імпарта) за выключэннем Талачынскага раёна - тут мінус паўтара мільёны даляраў.
Чысты прыбыта усіх арганізацый таксама даў плюс. Калі ў мінулагадовым такім жа перыядзе па ўсіх раёнах арганізацыі сумарна далі мінус ва ўсіх выпадках, то цяпер мінус адзначаны толькі па двух раёнах: Сененскім і Талачынскім. У Сененскім раёне амаль 40% прадпрыемстваў стратныя, у Талачынскім амаль 39%. У Аршанскім іх таксама шмат - 28%, у Лёзненскім 18% і ў Дубровенскім амаль 9%.
А, вось, рэальны заробак, не зважаючы на некаторыя поспехі, амаль замарозіўся. Максімальны рост заробкаў заўважаны ў Талачынскім раёне - 101,1%, у астатніх раёнах рэальны заробак вырас не больш чым на 1%, а ў Аршанскім, нават, упаў - усяго 99,4% у параўнанні з мінулагадовым перыядам.
