Віцебскі фонд дзяржмаёмасці апублікаваў спіс аб'ектаў, якія павінны быць уведзеныя ў гаспадарчы абарот у Аршанскім раёне. "Увядзенне ў гаспадарчы абарот" прадугледжвае розныя формы, як продаж і здача ў арэнду, так і кансервацыя ды знос. Агулам спіс мае 136 найменняў.
У дадзеным артыкуле прыводзім вам тыя аб'екты, якія ў раёне пойдуць пад знос.
У вёсках раёна будзе знесена тры аб'екты: кацельная ў вёсцы Дубніцы, Тумініцкі дом культуры і канюшня агракамбіната "Юбілейны". Дубніцкая кацельная раней выкарыстоўвалася для ацяплення мясцовай школы, пазней яе спрабавалі прадаць з аўкцыёна, у тым ліку, знізіўшы кошт да 1 базавай велічыні, але пакупніка так і не знайшлося, а стан будынка пагаршаўся. Цяпер лёс былой кацельнай вызначаны - на яго месцы будзе пустыр.
З гарадскіх аб'ектаў найбольш пацерпяць будынкі былога завода "Лягмаш". Тут знясуць адразу 6 будынкаў, сярод якіх тры вытворчых, адзін не дабудаваны, адзін складскі. Агулам на вялікай тэрыторыі завода ад будынкаў будзе вызвалена больш за 30 гектараў зямлі.
У будаўнічага трэста №18 будзе знесена 2 будынуі: склад цэмента плошчай у 117 квадратных метраў і каналізацыйна - насосная станцыя, абодва будынкі па вуліцы Бялінскага, д.1.
Два будынкі знікнуць і ў Оршабудматэр'ялы: старая градзірня і будаўніча-памольнае аддзяленне.
Амаль гектар зямлі вызваліцца пасля зносу часткі кацельнай каля стадыёну "Лакаматыў". Меньшая частка кацельнай прапануецца ў арэнду.
Па Леніна 230 будзе знесены растворны пункт "Оршацепласетак", у інструментальнага завода знясуць старую градзірню, а ў АТП №8 па Леніна 161 а будзе знесена прахадная.
