Дзяржава ўсё больш арыентуецца на стварэнне вялікіх дзяржаўных агракомплексаў. Гэтыя агракомплексы аб'ядноўваюць адразу некалькі арганізацый і павінны займацца вырошчваннем, перапрацоўкай і продажам сельскагаспадарчай прадукцыяй пад адзіным кіраўніцтвам. На мінулым тыдні прэзідэнт падпісаў указ пра стварэнне такога холдынгу ў Шклоўскім раёне, праўда, створана ўжо колькі гадоў таму прадпрыемства "Александрыйскае", па-сутнасці, таксама ёсць такім агра холдынгам.
Праз некалькі год пасля падпісання ўказу сталі вядомыя яго падрабязнасці. Прадугледжваецца, што ў холдынг аб'яднаюцца чатыры прадпрыемствы: непасрэдна ТАА "Купалаўскае", ЗАТ "Вялікія Славені", "Амкадор-Шклоў" і "Новагарадзішчанскае". Калі "Александрыйскае", на якім працуюць шмат аршанцаў і жыхароў Аршанскага раёна, знаходзіцца на правым беразе Дняпра, то Купалаўскае аб'яднала прадпрыемствы левага берага. Асноўным кірункам аграхолдынгу стане вырошванне кароваў, але знойдзецца тут месца і для свінагадоўлі, а таксама для вырошчвання зернавых культураў.
