Рэгіён, Эканоміка

Кіўбасны цэх зачыняецца

27.07.2017 17:30

3998 праглядаў, 0 каментароў

Апрацоўка мяса на прадпрыемстве "Задняпроўскі" спыняецца

Сельскагаспадарчае прадпрыемства "Задняпроўскі" не толькі вырошчвала свініну, але і апрацоўвала яе, вырабляючы каўбасы, сала, вэнджаніну, пашцеты ды іншае. Праўда, пасля з'яўлення падобнага па прадукцыі "Юбілейнага" справы на "Задняпроўскім" пагоршыліся, але каля яго фірмовых крамаў усё адно працягвалі выстройвацца чэргі. У мінулым годзе "Задняпроўскі" аб'ядналі ў агульны холдынг у які таксама ўвайшлі мясакамбінат, малочны камбінат ды птушкафабрыка. Атрымалася, што ў холдынгу апынулася два прадпрыемствы, якія займаюцца перапрацоўкай мяса і вырабам каўбасаў - канкурэнцыя ўнутры аднаго холдынгу. Па нашай інфармацыі, каўбасны цэх на "Задняпроўскім" рыхтуецца да закрыцця. Уся рэцэптура перадаецца на мясакамбінат дзе і будзе сканцэнтравана ўся мясаперапрацоўка. Праўда, работнікам абяццаюць, што скарачэння штату з-за гэтага не адбудзецца - работнікаў перавядуць на іншыя работы, іншыя цэхі і прадпрыемствы ўнутры холдынга.