Пяць будынкаў маёнтку Свяцкіх зноў выставілі на продаж. Усе будынкі з'яўляюцца гістарычнымі помнікамі 18 стагоддзя. Тут працаваў у свой час Янка Купала. А ў часы камуністаў гаспадарка была нацыяналізаваная і перайменаваная ў "Полымя". Знаходзіцца маёнтак на лепескай трасе.
Некалькі гадоў старыя будынкі чыноўнікі спрабавалі прадаць, але пакупніка на іх не знаходзілася. Таму кожны раз стартавы кошт змяньшаўся. Апошні раз Віцебскаблмаёмасць выстаўляла будынкі за агульную суму ў 587 тысяч рублёў. І таксама не знайшлі пакупніка. Цяпер кошт зменьшаны яшчэ раз і на бліжэйшым аўкцыёне будынкі паспрабуюць прадаць па адной базавай велічыні. То бок, за 5 будынкаў чыноўнікі гатовыя ўзяць усяго 200 рублёў.
