Больш за 90 студэнтаў чатырох вну Віцебска і Аршанскага дзяржаўнага каледжа харчавання працуюць дзеля патрэбаў Талачынскага кансервавага завода. На гэтым прадпрыемстве, як вядома, ёсць вытворчасць славутага пладова-ягаднага віна. На летніх працах студэнты займаюцца нарыхтоўкай чырвонай парэчкі і агрэсту. Сфармаваны цэлыя 6 студэнцкіх атрадаў. У лісце прадукцыі Талачынскага завода карэспандэнт "Народных навінаў Віцебска" шукаў морсы і кампоты з вышэйазначаных ягад, але нічога не знайшоў. Затое агрэст і чырвоная парэчка з'яўляюцца інгрэдыентамі для паўсалодкамі віна "Крыжовниковое" і для іншых вінаў, якія робяцца на заводзе.
Галоўны тэхнолаг Талачынскага кансервавага завода Марына Алейнікава адзначыла, што працай студэнтаў на прадпрыемстве задаволеныя. Акрамя таго, ад студэнтаў паступае шмат просьбаў зладзіць экскурсію на вытворчасць, што і будзе неўзабаве зроблена.
