Гісторыя пачалася з таго, што пажылая жанчына вырашыла здаць свой прыватны дом у арэнду для пражывання. Усё ішло добра, але ў нейкі момант арэндадаўца заўважыла, што з дому зніклі рогі аленя - насценнае ўпрыгожанне. 44-гадовага Мужчыну, які здымаў дом зяць гаспадыні (такчама пенсіянер) выселіў, падазраючы таго ў крадзяжы ўпрыгожання. У міліцыю была пададзена заява пра крадзёж.

Але рогі знайсці не атрымалася і зяць вырашыў самастойна знайсці сведчанні пра месцазнаходжанне артэфакту.

Для гэтага пенсіянер прымяніў стары метад - кулакі. Ён прыйшоў на новае месца жыхарства "падазраванага" і пачаў яго збіваць, патрабуючы распавесці куды падзеў рогі. Стаміўшыся, ён спыніў "допыт" і сыйшоў шукаць прапажу ў родзіча сваёй ахвяры, абяццаючы вярнуцца. У час перапынку збіты змог паўзком дабрацца да суседзяў. Пры гэтым, мужчына адмовіўся ад выкліку міліцыі і хуткай дапамогі. Толькі праз дзве гадзіны яго жонка ўсё ж такі выклікала медыкаў. У мужчыны дыягнаставалі акрамя ушыбаў і сінякоў, зламанае рэбра, якое пашкодзіла лёгкае - траўма не толькі адносіцца да цяжкіх, але і з'яўляецца небяспечнай для жыцця. Як паведамілі журналістам газеты "СБ. Беларусь Сегодня" ў мясцовай пракуратуры, раней гэты самы пенсіянер ужо быў заўважаны ў падобных метадах "разборак". Раней, патрапіўшы ў спрэчную сітуацыю пры ДТЗ ён гамнем па галаве паспрабаваў адпомсціць свайму крыўдзіцелю.

Цяпер на бойкага пенсіянера заведзена крымінальная справа, якая пагражае яму пакараннем да 8 год пазбаўлення волі.