Рэгіён, Эканоміка

Кітайскі гарадок

18.08.2017 21:01

5080 праглядаў, 11 каментароў

У Балбасава з'явіцца свой чайна-таўн

Пра гэта нядаўна дамовіліся прадстаўнікі беларускага і кітайскага бакоў. На базе лагістычнага цэнтра ў Балабасава з'явіцца "гандлёвы гарадок кітайскіх тавараў". Ідэя гэтая ў самім Кітае працуе ўжо даволі даўно. Там ёсць гарадок Іў (прадстаўнікі якога і падпісвалі ў Беларусі пратакол намераў пра супрацоўніцтва), які выглядае як велізарны крыты рынак, дарэчы, самы вялікі рынак у свеце. Унутры гарадка Іў наведвальнік можа выбраць сабе любы кітайскі тавар, заключыць аптовую здзелку і тут жа дамовіцца пра дастаўку ў любую кропку свету. Нешта падобнае кітайцы адкрылі ў мінулым годзе і пад Варшавай.