Штогадовы конкурс сярод чыгуначных вакзалаў краіны стаў ужо традыцыйным. Даволі традыцыйнымі становяцца і яго вынікі. Хаця камісія конкрса і ацэньвае пасажырскія вакзалы па розных катэгорыях, усё ж такі хутка змяніць будынак не магчыма. Напрыклад, у конкурсе ўлічваецца архітэктурная выразнасць вакзалу, малыя архітэктурыня формы, афармленне фасадаў, якія звычайна ад году ў год не мяняюцца. Таму і размяшчэнне ў конкурснай табліцы вакзалаў амаль не зменнае. У гэтым годзе галоўны будынак станцыі Орша-Цэнтральная сярод вакзалаў першай катэгорыі (катэгорыя даецца ў залежнасці ад каолькасці цягнікоў і пасажыраў) чарговы раз заняў другое месца пасля Магілёўскага. Такія ж вынікі былі і ў 2015 годзе.
А сярод па-за класных вакзалаў адбыліся змены - на першы месцы аказаўся вакзал Брэста, а не Мінска, як было ў 2015 годзе.
У другім класе на першым месцы апынуўся Полацк, на другім станцыя Калінкавічы.
А сярод трэцяга класа лепшы вакзал у Асіповічах, на другім месцы Ліда.
