Падрыхтоўку да масштабных вайсковых вучэнняў "Захад-2017" на свае вочы пабачыла шмат аршанцаў - вялікая колькасць расійскай тэхнікі ішла праз наш чыгуначны вузел. Самі ж вучэнні для аршанцаў амаль не заўважныя - большасць дзеянняў адбываюцца ў Заходняй частцы краіны. Але гэта толькі так здаецца, насамрэч, некаторыя дзеянні вайскоўцаў адбываюцца і ў нашым раёне. Так, намеснік міністра абароны Расіі на днях распавёў, што пад Оршай вайскоўцы ў якасці навучання ўрэзаліся ў нафтаправод.
"Халодную ўрэзку" ажыццявілі жаўнеры трубаправоднага батальёна Заходняй вайсковай акругі расійскай арміі. Пасля ўрэзкі яны разгарнулі сетку магістральных трубаправодаў, палявы склад паліва і пункты выдачы паліва.
