Цэлы тыдзень (з 18 па 24 жніўня) спецыялісты санітарна-эпідыміялагічнай службы правяралі зоны рэкрэацыі па ўсёй краіне. Не зважаючы на канец купальнага сезона, у цэнтры ўвагі экспертаў былі пляжы краіны. З 385 пляжаў на 46 з іх былі знойдзены рознага роду парушэнні санітарных нормаш. У 14 вадаёмах эпідэміёлагі абмежавалі купанне, а ў адным і ўвогуле забаранілі.
Не ўсё ў парадку аказалася і на Дняпры. Купанне дзяцей абмежавана ў Дняпры ў Магілёве, на пляжы каля Магілёва ў вёсцы Палыкавічы і ў суседнім райцэнтры на гарадскім пляжы Шклова. Пры гэтым, ні ў Дубровенскім, ні ў Аршанскім раёнах (як і па ўсёй Віцебскай вобласці) аніякіх абмежаванняў на купанне ў важаёмах і непасрэдна ў Дняпры эпідэміёлагі не наклалі. Такое абмежаванне наклала надвор'е, якое цяпер не спрыяе адпачынку на пляжах.
