Назва аршанскага аэрадрома - комплекс «Бремино-Орша». Гэта маштабны праект, які будавала ТАА «Бремино Груп» паводле ўказу Лукашэнкі для «Павышэння інвестыцыйнага патэнцыялу Беларусі» з дапамогай міжнародных грузавых авіяперавозак. Натуральна, для гумарыстаў часам уласціва злёгку скажаць факты, вось і тут інтэрнэт-жартаўнікі ўявілі, калі б аэрадром быў ня грузавым, а пасажырскім.
А тым часам дырэктар «Бремино Груп» Васіль Дземянцей распавёў журналістам пра 100 працоўных месцах, якія ён абяцае стварыць на аэрадроме на першым этапе работы.
"Паралельна з будаўніцтвам мы арганізавалі працу на часовай пляцоўцы ў Оршы для фарміравання транспартных патокаў і падрыхтоўкі персаналу. Ужо на першым этапе мы створым тут не менш за 100 працоўных месцаў. У перспектыве ў нас будаўніцтва чыгуначнага тэрмінала і прамысловых вытворчасцяў. Гэта таксама працоўныя месцы, што значна падцягне не толькі Балбасава, а ўвесь Аршанскі рэгіён ў эканамічным плане. Падвысіцца дзелавая актыўнасць, з'явяцца перспектывы прыцягнення замежных інвестыцый».
