Дырэктар Даследчага цэнтра Інстытута прыватызацыі і менеджмента Аляксандр Чубрык адказаў на пытанне "Заўтра тваёй краіны" пра беспрацоўе ў Оршы. Ён заклікаў журналістаў не звяртаць увагі на афіцыйныя лічбы пра яго ў нашым горадзе. Сам пытанне гучала так "Ці па сілах мясцовым органам улады працаўладкаваць усіх жадаючых, улічваючы, што нават абвешчаная кропкай перазапуску эканомікі Аршаншчына выходзіць у лідэры па беспрацоўі, а колькасць звольненых з пачатку года налічвае сотню тысяч?"
Адказ эксперта быў такі:
Што тычыцца Оршы, то я заклікаю журналістаў не звяртаць увагі на афіцыйныя лічбы па беспрацоўі. Бо гэта зарэгістраванае беспрацоўе, якое не мае ніякага дачынення да рэальнай сітуацыі. Дарэчы, калі параўнаць дадзеныя па зарэгістраваным і фактычным беспрацоўі на момант перапісу насельніцтва 2009 года па раёнах, то можна заўважыць, што карэляцыя калі ёсць, то вельмі слабая. Гэта значыць, неабавязкова ў выпадках, дзе быў зафіксаваны высокі узровень зарэгістраванага беспрацоўя, такім жа высокім быў і фактычны ўзровень. Калі паглядзець статыстыку ад 2010 году па буйных прадпрыемствах, то можна ўбачыць, што яны звольнілі вельмі шмат супрацоўнікаў. Практычна траціну работнікаў звольнілі найбуйнейшыя прадпрыемствы-тысячнікі.
Фактычна, гаворка ідзе пра пэўнае аздараўленне. Калі б сітуацыя ў цэлым была нармальнай, ствараўся прыватны сектар, то на першым этапе мы б ўбачылі звальненні, а на другім, не выключана, такія прадпрыемствы, прайшоўшы працэс аздараўлення, зноў пачалі б ствараць попыт на працоўныя месцы.
Больш поўнае інтэрв'ю з Аляксандрам Чубрыкам можна прачытаць па спасылцы.
