Рэгіён, Грамадства

Працягваем выміраць

17.10.2017 21:12

2192 прагляду, 0 каментароў

Аршанскі раён і суседнія працягваюць змяньшацца па колькасці насельніцтва, але гарады Магілёшчыны растуць

З рознымі тэмпамі, але выміраюць усе суседнія раёны.Прычым гэта тычыцца як раёнаў Віцебскай, так і раёнаў Магілёўскай вобласці, з невялікім выключэннем - у раёнах Магілёўскай вобласці пры агульным змяньшэнні насельніцтва, крыху растуць гарады. Паводле апублікаваных Белсатам свежых дадзеных, за перыяд з 2006 па 2017 год Горацкі раён зменьшыўся з 49.642 чалавек да 46.710 чалавек. Пры гэтым сам райцэнтар вырас з 32.815 да 34.533 чалавек. Канешне, найбольшы мінус па колькасці насельніцтва дала вёска: з 9.231 ў 2006 годзе да 6.371 у 2017. І гэта пры тым, што мястэчка Леніна (жыхары якога раней прылічвалася да гарадскога насельніцтва) сёння таксама залічваецца да вясковага насельніцтва. Рост таксама паказаў і Шклоў з 14.863 чалавек за 11 год ён вырас да 16.310 чалавек. Хаця сам раён працягвае змяньшацца за кошт вымірання вёскі з 18.407 да 11.320 чалавек вясковага насельніцтва. Такім чынам, агулам па Шклоўскім раёне з 32.270 жыхароў за 11 год засталося 27.630 чалавек. Здавалася б, па агульнай тэндэнцыі ўрбанізацыі расці павінны ў першую чаргу вялікія гарады, але ў дадзеным выпадку гэтае правіла не мае падцверджання - нават невялічкае Круглае дало свой +. У 2006 годзе тут жыло 7.553 чалавекі, а зараз 7.617. Хаця вёска ў гэтым раёне змяньшаецца хутка: з 9.231 да 6.371 чалавека. Такім чынам агулам па раёне змяньшэнне атрымалася з 16.784 да 13.988 чалавек.