Орша, Палітыка

Змены пачаліся

16.11.2017 10:00

6892 прагляду, 37 каментароў

Новы мэр зняў з пасады свайго намесніка, за ім могуць пайсці і іншыя?

У выканкаме адбыліся першыя сур'ёзныя кадравыя змены. Са сваёй пасады быў зняты Аляксандр Пальвінскі - намеснік старшыні выканкаму які курыраваў пытанні камунальнай гаспадаркі і будаўніцтва. Чаму гэта так значна? Па-першае, усе намеснікі старшыні ў Оршы былі прызначаны яшчэ за часамі Лісоўскага. Папярэдні мэр аніякіх кадравых рашэнняў не прыняў. А для Аляксандра Пазняка гэта першае кадравае рашэнне. Першае, але падобна на тое, што не апошняе. Пасля прызначэння на галоўную пасаду ў раёне Пазьняка, з выканкаму даволі рэгулярна прыходзілі чуткі пра намер звольніць таго ці іншага чыноўніка, але Пальвінскі стаў першым. Чуткі былі выкліканы тым, што новы мэр падначаленым абвесціў, што да Новага году будзе глядзець з кім спрацуецца, іншыя пакінуць свае пасады. Адпаведна нас могуць чакаць і іншыя кадравыя змены.