Пра гэта са спасылкай на неназваныя крыніцы паведаміў партал tut.by. Аўтары партала гавораць, што Ўкраінскае прадпрыемства Мотор Січ, якому належыць каля 60% акцый завода практычна ўжо адмовілася ад кіравання прадпрыемствам. Звязана гэта з шэрага праблемаў: канфлікт Расіі і Украіны заблакаваў для прадпрыемства заказы з РФ, а менавіта на іх заказы прадпрыемства і разлічвала. Раней Мотар Січ забяспечваў 80% патрэбаў расійскай авіяцыі ў верталётных рухавіках. Па-другое, ва Ўкраіне ў кампаніі пачаліся праблемы з-за продажу акцыяў аднаго з прадпрыемстваў кітайцам. Сёння па гэтай справе вядзецца следства і Вячаслаў Багуслаеў (украінскі алігарх, які валодае Мотар Січ) можа пазбавіцца і значнай часткі Украінскага бізнэса. У такой сітуацыі кампаніі стала не да Балбасаўскіх праблемаў. 12 мільёнаў даляраў, якія Мотар Січ планаваў укласці ў развіццё завода і інфраструктуры мястэчка так і не змаглі дайсці да Аршаншчыны, а гэта значыць не выкананне інвестыцыйных планаў. Па такой прычыне ў Беларусі дзяржава адбірала і больш паспяховыя прадпрыемствы. Праўда, калі авіярамонтны завод зноў вернецца ва ўласнасць дзяржавы, сумніўна, што сітуацыя стане лепшай. Дзяржава ўжо кіравала заводам і ён прыйшоў у той стан, што яго і давялося прадаваць.

Афіцыйныя крыніцы пакуль адмовіліся каментаваць журналістам гэтую сітуацыю.