У «чырвона-чорных» была няўдалая серыя ў чэмпіянаце Беларусі па міні-футболе, за якую каманда страціла шмат пунктаў. Таму важным быў матч з «Аховай-Дынама». Перамога ў ім была апошнім шанцам для «энергетыкаў» працягнуць барацьбу за медалі рэгулярнага чэмпіянату.
І аршанцы з выклікам справіліся. Госці не мелі вялікіх шанцаў. Ужо на 5-й хвіліне чарговым голам вызначыўся ўкраінскі легіянер Яраслаў Лебедзь. На 9-й і 12-й Падалінскі аформіў дубль, а яшчэ праз шэсць хвілін і Лебедзь. 4:0, «ахоўнікі» дэмаралізаваныя. У другім тайме «Ахова-Дынама» забіла гол на 25-й хвіліне, аднак нават скараціць адставанне гасцям удалося толькі на пару хвілін, неўзабаве Клачко аднавіў перавагу «+4» на карысць аршанцаў. Лік 5:1.
Да канца чэмпіянату застаюцца яшчэ тры матчы. «Вітэн» згубіў нават тэарэтычныя шанцы на чэмпіёнства, але мае тэарэтычную магчымасць стаць прызёрам рэгулярнага першынства. Барацьба за чэмпіёнства пойдзе ў плэй-оф.
