Серыя за бронзавыя медалі чэмпіянату Беларусі па міні-футболе ідзе да 2 перамог адной з каманд. У першым матчы, які адбыўся ў Менску, «Вітэн» саступіў 3:6 і цяпер не мае права прайграць. Матч адбудзецца сёння, 28-га траўня, а 19:00 у спартовым комплексе «Алімпіец».
А напярэдадні афіцыйны сайт міні-футбольнай федэрацыі змясціў статыстыку бамбардзіраў двух клубаў у асабістых матчах. У аршанцаў і блізка няма роўных Сяргею Крыкуну, які ў матчах са «Сталіцай» правёў за «Вітэн» 13 галоў. Бліжэйшыя пераследнікі Сяргея цяперашні трэнер «энергетыкаў» Аляксандр Савінцаў і Леанід Шылоўскі, якія забілі па 4 мячы.
У гэтым плэй-оф гулец «Вітэна» Раман Кардоба адзін з лепшых снайпераў, у яго на рахунку 5 галоў, столькі ж забіў Уладзімір Жыгалка з «Лідсельмашу», а наперадзе толькі Яўген Клачко з ВРЗ, у якога 7 дакладных стрэлаў, сярод якіх ёсць і мячы, забітыя ў паўфінале «Вітэну».
