"Тыдзень супраць смяротнага пакарання" праходзіць у Беларусі ўжо некалькі год. Штогод асобныя дзеячы АРшаншчыны таксама далучаюцца да мерапрыемстваў. У гэтым годзе аршанцы паўдзельнічаюць, прынамсі, у двух мерапрыемствах "тыдня".
Так, 9 кастрычніка ў Слуцку пройдзе паказ фільма "Змоўшчыца" пасля якога адбудзецца дыскусія з удзелам пісьменніцы Паліны Сцепаненка. А 10 кастрычніка ў Мінску свой новы перфоманс прэзентуе аршанская мастачка Таццяна Тур. Перфоманс будзе паказаны на прэзентацыі выставы "Кожны мае права ведаць свае правы" ў мінскай амбасадзе Літоўскай рэспублікі.
Бліжэйшыя гарады ў якіх прыйдуць мерапрыемствы кампаніі, а адпаведна аршанцы могуць паехаць туды на мерапрыемствы, гэта Віцебск і Магілёў. У Віцебску 5 чысла адбудзецца рок-канцэрт "Рок за жыццё" з удзелам гуртоў Re1ikt, Разбітае сэрца пацана, Teleport і Nizkiz. А ў Магілёве ў грамадскім цэнтры "Кола" пройдзе выступ Форум-тэатра "Куля ад грамадства".
