21:00

-7

4 м/с

1004 гПа

00:00

-7

3 м/с

1004 гПа

03:00

-8

3 м/с

1004 гПа

06:00

-10

2 м/с

1004 гПа

09:00

-12

2 м/с

1004 гПа

Орша, Здарэнні

Ізаляцыя крымінальных аўтарытэтаў

26.10.2018 14:39

4021 прагляд, 8 каментароў

У Оршы затрыманыя двое гандляроў зброяй. Міліцыя рапартуе пра цэлую аперацыю па дэкрыміналізацыі рэгіёну (+ відэа).

Відавочна, што зверху прыйшлі ўказанні не толькі наконт прамысловай часткі жыцця Аршаншчыны, але і аб барацьбе з бандытызмам. МУС выступіла з цэлым пералікам злачынстваў, раскрытых у Оршы і каля яе, рапартуючы пра тое, што самым сур'ёзным чынам ўзялося за барацьбу з крыміналам у раёне. Напярэдадні, у сераду, 24 кастрычніка, супрацоўнікамі сёмага кіравання (па Віцебскай вобласці) галоўнага ўпраўлення па барацьбе з арганізаванай злачыннасцю і карупцыяй МУС за продаж зброі з доказамі злачынства затрыманы двое непрацуючых жыхароў Оршы. Падазраваныя 1955 і 1983 гадоў нараджэння падчас здзелкі выручылі 1,2 тыс. даляраў ЗША за пісталет ТТ і рэвальвер сістэмы "Наган". Устаноўлена, што яны ж 4 верасня 2018 года на тэрыторыі Дубровенскага раёна прадалі самаробны пісталет пад патроны калібра 9 мм з прыстасаваннем для бясшумнай стральбы і пісталет "Берэта" такога ж калібру.

Упраўленнем Следчага камітэту па Віцебскай вобласці ў дачыненні да фігурантаў распачата крымінальная справа па ч.3 арт.295 КК Беларусі (незаконныя дзеянні ў адносінах да агнястрэльнай зброі, боепрыпасаў і выбуховых рэчываў). Раней адзін з іх быў судзімы па ч.3 ст.181 КК Беларусі (гандаль людзьмі). У цяперашні час праводзяцца далейшыя аператыўна-следчыя мерапрыемствы па ўсталяванні магчымых месцаў захоўвання іншай зброі і боепрыпасаў.

Як асабліва падкрэслівае афіцыйны сайт Міністэрства ўнутраных спраў, гэта чарговы факт канфіскацыі супрацоўнікамі ГУБАЗіК буйной партыі зброі пры адпрацоўцы Аршанскага раёна. Як ужо паведамлялася, у верасні праваахоўнікі канфіскавалі ў жыхара Віцебска аўтамат Калашнікава з двума магазінамі, паляўнічая стрэльба "Байкал", пісталет Макарава з магазінам і больш за 300 патронаў да пазначаных відаў зброі. Віцебскім гарадскім аддзелам Следчага камітэту ўзбуджана крымінальная справа па ч.2 арт.295 КК Беларусі (незаконныя дзеянні ў адносінах да агнястрэльнай зброі, боепрыпасаў і выбуховых рэчываў). Інфармацыя пра тое, што мужчына можа быць датычны да незаконнага абароту зброі і боепрыпасаў, з'явілася ў вартавых парадку ў ходзе аператыўнага суправаджэння крымінальнай справы па факце браканьерства ў Аршанскім раёне.

Супрацоўнікі ГУБАЗіК надаюць пільную ўвагу і іншым аспектам, якія ўплываюць на аператыўную абстаноўку ў гэтым рэгіёне. Так, 30 жніўня ў доме жыхаркі Оршы 1968 года нараджэння, а таксама па месцы пражывання яе бацькоў былі канфіскаваныя таварна-матэрыяльныя каштоўнасці ў колькасці 407 адзінак (аўтамабільныя аўдыё-сістэмы, ахоўныя экраны для мабільных тэлефонаў, танометры, тэлефонныя апараты, сеткавыя платы і іншае) на агульную суму звыш 400 тыс. рублёў. Тавар захоўваўся з мэтай далейшай рэалізацыі без выплаты падаткаў. Па дадзеным факце ІМПЗ па Віцебскай вобласці ў дачыненні да жанчыны складзены адміністрацыйны пратакол за парушэнне ч.1-1 ст.12.7. КоАП Беларусі (незаконная прадпрымальніцкая дзейнасць). На мінулым тыдні пастановай эканамічнага суда Віцебскай вобласці яна прыцягнутая да адміністрацыйнай адказнасці — штрафу і канфіскацыі названых таварна-матэрыяльных каштоўнасцяў.

Супрацоўнікі абласнога ўпраўлення ГУБАЗіК праводзяць актыўную аператыўна-прафілактычную працу ў дачыненні да лідэраў крымінальна-злачыннага асяроддзя. У бягучым годзе шэраг аршанскіх "аўтарытэтаў" прыцягнуты да крымінальнай адказнасці і ізаляваны ад грамадства. За восеньскі перыяд трое найбольш актыўных прадстаўнікоў крымінальнага асяроддзя, у тым ліку так званы назіральны за вобласцю, прыцягнуты да адказнасці ў выглядзе адміністрацыйнага арышту за парушэнні грамадскага парадку ў забаўляльных установах горада, — паведамілі ў міністэрстве.

Акрамя таго, у кастрычніку 2018 года супрацоўнікамі ўпраўлення затрыманы з доказамі злачынства пры вымагальніцтве грошай у жыхара Оршы з ужываннем гвалту двое фігурантаў. Пачата крымінальная справа па ч.2 ст.208 КК Беларусі (вымагальніцтва).

Таксама праводзіцца сістэмная работа па супрацьдзеянні крымінальнаму аўтабізнесу. Да прыкладу, была атрымана інфармацыя, што некаторыя прадстаўнікі злачыннага асяроддзя з Аршанскага раёна маюць у карыстанні аўтамабілі з перайначанымі першаснымі нумарамі кузаваў, вузлоў і агрэгатаў. У цяперашні час гэтыя транспартныя сродкі правяраюцца.

Не застаюцца ў паказаным рэгіёне без увагі і пытанні стрымання нелегальнай міграцыі. У пачатку восені на 127 км аўтадарогі Менск — Ашмяны — мяжа Літвы змагары з аргзлачыннасцю затрымалі дваіх жыхароў Оршы і расейца, якія арганізавалі нелегальны ўезд з Расеі і знаходжанне ў Беларусі чатырох в'етнамцаў з мэтай іх далейшай перапраўкі на літоўскую тэрыторыю па-за беларускіх памежных пунктаў пропуску. Па дадзеным факце Ашмянскім раённым аддзелам Следчага камітэта распачата крымінальная справа па ч.2 ст.371-1 КК Беларусі (арганізацыя незаконнай міграцыі).

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Ізаляцыя крымінальных аўтарытэтаў

У Оршы затрыманыя двое гандляроў зброяй. Міліцыя рапартуе пра цэлую аперацыю па дэкрыміналізацыі рэгіёну (+ відэа).

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение