У вёсцы Межава Аршанскага раёну зруйнавалі адзін з будынкаў былога калгаснага "спіртзаводу", які зачынены шмат гадоў назад. На тэррыторыі "спіртзаводу" таксама знаходзяцца рэшткі будынкаў былой вінакурні Любамірскіх, пабудовы сярэдзіны XIX--пач.XX стагоддзя. Улады іх таксама плануюць знесці. Па сцвярджэннях мясцовай ўлады, рэшткі вінакурні ў сённяшні час знаходзяцца ў дрэнным стане і іх таксама трэба знесці, таму што "руіны прадстаўляюць пагрозу жыццю людзей". Пра гэта паведаміў у сваім фэйсбуку краязнаўца Віктар Міхасёў.
Вёска Межава ўпершыню ўпамінаецца яшчэ ў 1501 г., як валоданне Фурсаў. Таксама некалі належала Сапегам і Любамірскім. У Межава таксама маецца сядзібна-паркавы ансамбль Любенскіх — помнік сядзібна-паркавай архітэктуры, які уключаны у Дзяржаўны Спіс гісторыка-культурных каштоўнасцей.
