Нагадаем, што ў гэтым годзе аршанскія міліцыянты аддзела па барацьбе з арганізаванай злачыннасцю ініцыявалі праверку двух абрэвіятураў, якія былі на нашыўках аднаго з фанатаў ФК "Орша". Абедзве абрэвіятуры маюць абразлівы сэнс у дачыненні да міліцыянтаў, што і закранула аршанскіх супрацоўнікаў. Суд прызнаў гэтыя абрэвіятуры эктрэмісцкімі.
Сам аршанскі фанат пазбег пакарання за экстрэмізм, бо суд прызнаў іх экстрэмісцкімі ўжо пасля затрымання хлопца. Затое па краіне працэс пайшоў на поўніцу. Як паведамляе сайт "Гродненская вясна" ў гэтым абласным цэнтры заведзена ўжо трэцяя справа за размяшчэнне экстрэмісцкіх абрэвіятураў. Першым пацярпеў вядомы музыка Алесь Дзянісаў, які, праўда, таксама размесціў запісы даўно. 15-га чысла адбудзецца ўжо другі суд за размяшчэнне надпісаў, а пра пачатак трэцяй справы было паведамлена сёння.
Падобныя справы за размяшчэнне абрэвіятураў былі распачатыя і ў іншых гарадах краіны.
