Нагадаем, што ў сярэдзіне кастрычніка жыхары Багушэўска даведаліся, што местачковая бальніца і паліклініка памяняюць статус. Паліклініка стане амбулаторыяй, а бальніца стане бальніцай сястрынскага дагляду. І тое і тое азначае змяньшэнне магчымасцяў для мясцовых жыхароў. Цяпер за медаглядам ды іншымі абавязковымі ў Беларусі даведкамі патрэбна будзе ездзіць ў Сянно ў якое ездзіць толькі два аўтобусы ў суткі (старшыня райвыканкаму паабяццаў, што будзе хадзіць тры). Тады жыхары Багушэўска, практычна, зладзілі акцыю пратэста: з 8-00 каравулілі чыноўнікі, па-сутнасці перагарадзілі галоўную дарогу і дамагліся таго, каб чыноўнікі з імі пагаварылі.
Але чыноўнікі не змаглі пераканаць багушэўцаў, што перамена статусу бальніцы і паліклінікі будзе для іх карыснай.
Цяпер мясцовыя жыхары распачалі збор подпісаў у адміністрацыю прэзідэнта і ў Віцебскі аблвыканкам з патрабаваннем надаць мясцовай бальніцы статус участковай і захаваць паліклініку, а таксама машыну хуткай дапамогі.
У сваім звароце Багушэўцы нагадваюць, што, нават, у час фашысцкай акупацыі і ў цяжкія пасляваенныя гады бальніца паўнавартасна функцыянавала.
Збор подпісаў актыўна вядзецца па мястэчку, за яго таксама можна падпісацца ў інтэрнэце тут.
