Прэмія "Чэмпіёны грамадзянскай супольнасці" - самая прэстыжная ўзнагарода ў галіне грамадскай дзейнасці ў Беларусі. У апошнія некалькі год аршанскія ініцыятывы рэгулярна патрапляюць у спіс намінантаў. Некалькі год таму ў спіс намінантаў патрапіла грамадская арганізацыя "Звяз", але тады ініцыятыва не атрымала ўзнагароду. У мінулым годзе сярод намінантаў апынуліся арашнцы, якія ўдзельнічалі ў "Маршы не дармаедаў" і разам з двума іншымі рэгіёнамі тады яны атрымалі найвышэйшую ўзнагароду прэміі.
Трэці год запар аршанскія ініцыятывы ў спісе намінантаў. У гэтым годзе у намінацыі "Новая ініцыятыва" ўдзельнічае аршанская ініцыятыва "Кабылякі. Растраляныя ў Оршы". Нагадаем, што гэтая ініцыятыва аб'яднала родзічаў ахвяраў сталінскіх рэпрэсій. Сярод іншых удзельнікаў намінацыі: Універсітэт імя Ніла Гілевіча, правабарончая ініцыятыва "Прававое дзеянне", Офіс дапамогі і падтрымкі занятасці моладзі "ЮларКансалт" ды іншыя.
Нядаўна пра ініцыятыву "Кабылякі. Растраляныя ў Оршы" выйшаў відэа-ролік, які прапануем вашай увазе.
