Грамадская ініцыятыва, якая аб'яднала родзічаў ахвяраў сталінскіх рэпрэсій вакол мемарыялізацыі Кабыляцкай гары была ўашважаная двума прэміямі. Яна патрапіла ў спіс намінантаў самай прэстыжнай прэміі для наўрадавых арганізацыі "Чэмпіёны грамадзянскай супольнасці". Журы арганізатараў уключыла аршанскую ініцыятыву ў лік 6 самых паспяховых, якія з'явіліся ў мінулым годзе. Таксама ў ліку намінантаў увайшлі новаствораны Ўніверсітэт імя Ніла Гілевіча, правабарончая ініцыятыва "Прававое дзеянне", рэгіянальны валанцёрскі праэкт "Берасцейскі канструктывізм", Офіс дапамогі і падтрымкі занятасці моладзі "ЮларКансалт" і Модуль для збору ахвяраванняў праз сайты арганізацыяў "Doika". Сярод названых намінантаў дыплом атрымаў Універсітэт імя Ніла Гілевіча.

Ужо на наступны дзень аршанскую ініцыятыву ўшаноўвалі яшчэ раз. Прэмія "Зрабілі!", якая ўручаецца ўжо трэці раз адзначала самыя лепшыя ініцыятывы за 2018 год. І тут таксама адзначыліся "Кабылякі. Растраляныя ў Оршы". Гэтую ініцыятыву ўзнагародзілі ў намінацыі "Нізавыя ініцыятывы" разам з яшчэ 16 ініцыятывамі з Мінску і рэгіёнаў. Дарэчы, гэта адзіная ініцыятыва з усёй Усходняй Беларусі якая была адзначана названымі прэміямі. Бліжэйшая да нас ініцыятыва, якая была заўважана прэміяй "Зрабілі!" - грамадская кампанія "Мои Чашники" ўзнагароджаная ў намінацыі "Канал у сацыяльных сетках".

На фота: актывісты "Кабылякі. Растраляныя ў Оршы" ў цэнтры разам з іншымі намінантамі. Фота сайта Citydog