Грамадскі актывіст Ігар Грышанаў, які шчыльна займаецца праблемай вёскі Межава, атрымаў ліст з Віцебскага абласнога камітэту прыродных рэсурсаў і аховы навакольнага асяроддзя. Супрацоўнікі Камітэта ўстанавілі, што будынкі і тэрыторыя былога спіртзавода ў Межаве знаходзяцца ў нездавальняючым стане. Напрыклад, нікуды не прыбрана ёмістасць з рэшткамі нафтапрадуктаў. Аршанская інспекцыя, падначаленая абласному камітэту цяпер пракантралюе, каб Межаўскі сельскі выканкам і "Межава-Агра" прыбралі ёмістасць і навялі парадак на дадзенай тэрыторыі.
Акрамя таго, чарговы раз пацверджана, на гэты раз ужо з Віцебску, што аб'екты ачышчэння і водаадвядзення знаходзяцца ў нездавальняючым стане. За парушэнне правілаў эксплуатацыі водагаспадарчых збудаванняў і прылад, якія прадухіляюць забруджанне, прадпрыемства "Межава-Агра", адказнае за гэта, было прыцягнута да адміністратыўнай адказнасці. Праўда, у лісце не напісана, якое канкрэтна пакаранне прызначана. Сцёкавыя воды былі адпампаваныя з вадаёма і вывезеныя на палі фільтрацыі.
Пункт па рэканструкцыі ачышчальных збудаванняў уключаны ў план развіцця Аршанскага раёна да 2023 года. Фінансаванне аб'екта пачнецца ў 2021 годзе. Але гэта азначае, што яшчэ два гады актывістам давядзецца сачыць, каб каналізацыйныя адкіды хаця б адпампоўвалі, жаданае рашэнне гэтай праблемы ўсё адно адкладаецца.
У тэму:
У Межаве знішчылі спіртзавод і хочуць зруйнаваць рэшткі будынкаў сярэдзіны 19 стагоддзя
Рака Скуп'я, якая ўпадае ў Аршыцу, поўная каналізацыйных адкідаў (+фота)
Жыхары Межава ўжо стаміліся ад пустых словаў камунальнікаў і чыноўнікаў (+відэа)
Пасля адказу Аршанскага выканкама аб сітуацыі ў Межаве праінфармавалі Камітэт дзяржкантролю (+фота)
Аршанскі міжраённы камітэт Дзяржкантролю даручыў разабрацца з экалагічнай сітуацыяй у в.Межава
