У пераходным турніры разам з аршанцамі і магілёўцамі ўдзельнічалі клубы Экстралігі А "Металург" (Жлобін) і "Ліда". Вырашальнай аказалася гульня ў Жлобіне, якую аршанцы прайгралі 1:4. у далейшым не дапамагла нават гасцявая вікторыя над "Лідай" 2:1 у дадатковым тайме. Галоўны трэнер "Лакаматыва" Ігар Жылінскі ў інтэрв'ю пасля матчаў пераходнага турніру сказаў, што, верагодна, камандам Экстралігі Б не хапіла досведу матчаў высокага ўзроўню, якіх непараўнальна болей у Экстралізе А. Агромністага разрыву ў класе паміж камандамі трэнер не заўважыў, усё вырашылі якраз дробязі.
Падчас пераходнага турніру аршанскія чыгуначнікі ўсталявалі рэкорд, прычым з тымі камандамі, з якімі цяжка было гэтага чакаць. Матчы з "Металургам" і "Лідай" гульцы "Лакаматыва" правялі без выдаленняў.
Ёсць важныя навіны для "Лакаматыва" і пасля завяршэння матчаў. 26-гадовы брамнік каманды Сяргей Сцяпанаў выкліканы на збор нацыянальнай зборнай Беларусі. У сезоне Сцяпанаў правёў 36 матчаў (9 з іх на "ноль" — чвэрць!) і з 94,8% адбітых кідкоў.
