Сенненскі этап акцыі быў прымеркаваны да міжнароднага Дня абароны дзяцей. Арганізатарамі свята для дзяцей і іх бацькоў сталі работнікі Сенненскага падраздзялення МНС і аддзел ідэалагічнай работы, культуры і па справах моладзі райвыканкама. Ратавальнікі сумесна з актывістамі раённага аддзялення БМГАВП раздавалі дзецям і дарослым наглядна-выяўленчую прадукцыю МНС, праводзілі прафілактычныя і тлумачальныя гутаркі аб захаванні правіл бяспечных паводзін у летні перыяд, недапушчальнасці пакідання дзяцей без нагляду.

Для ўдзельнікаў мерапрыемства была падрыхтавана канцэртная праграма для дзяцей, розныя конкурсы і віктарыны, у тым ліку на супрацьпажарную тэматыку. Не засталіся ў баку і бацькі, якія актыўна ўдзельнічалі ў прапанаваных заданнях са сваімі дзецьмі, піша Упраўленне МНС па Віцебскай вобласці. Велізарным поспехам карыстаўся пажарны аварыйна-ратавальны аўтамабіль, каля якога дзецям было прапанавана прымерыць баявую вопратку ратавальнікаў, сфатаграфавацца на памяць.

Ратавальнікі прадэманстравалі магчымасці абсталявання і пажарна-тэхнічнага ўзбраення. Бацькоў жа азнаёмілі з інфармацыйна-прапагандысцкай кампаніяй «Ганарымся, што навучылі» і заклікалі навучаць сваіх дзяцей правілам бяспечных паводзін, таксама праводзілася прэзентацыя мабільнага прыкладання «МНС Беларусі: Дапамога побач!». Ратавальнікі нагадалі пра тое, што важна ведаць і выконваць правілы пажарнай бяспекі.