Орша, Спорт

Перагрызлі «Граніт»

16.06.2019 12:38

3095 праглядаў, 0 каментароў

«Орша» ў канцы сустрэчы з мікашэвіцкім клубам вырвала перамогу.

У 10-м туры чэмпіянату Беларусі па футболе сярод каманд Першай лігі аршанцы на сваім полі прымалі «Граніт» з Мікашэвічаў. Сустрэча праходзіла няпроста для сіня-белых. Наш клуб правёў матч у такім складзе: Харытонаў, Рузін, Беразун (Казарэз, 90+3), Грачыха, Александровіч, Жалезнікаў, Кучараў, Кастамараў, Самедаў, Д.Іваноў, Карпаў.

Аршанцы неаднаразова за матч валодалі ініцыятывай, маглі не аднойчы забіваць, аднак зрабіць гэта ўдалося толькі на 2-й кампенсаванай хвіліне да матчу. Менавіта тады лепшы бамбардзір «Оршы» Дзмітрый Іваноў прабіў брамніка «Граніта» Паўла Ахрэмчука — 1:0! Матч скончыўся перамогай сіня-белых. А ў спісе бамбардзіраў Іванова з 6 мячамі апярэджвае толькі Вадзім Дземідовіч з «Руха», у якога на рахунку 7 дакладных удараў.

«Орша» на 8-й пазіцыі, у яе 13 балаў.