Рэгіён, Грамадства

Дзе яшчэ забарона?

22.06.2019 11:34

2025 праглядаў, 0 каментароў

У Сенненскім и Лёзненскім раёнах захоўваецца забарона на наведванне лясоў.

Напярэдадні ў Аршанскім і Дубровенскім раёнах прайшлі дажджы, якія прагназуюцца і на выходных. Адначасова рэгулярна адбываецца маніторынг сітуацыі з лясамі, а раённыя аддзяленні МНС выносяць вызначэнні па наведванні лясоў. З-за надзвычай спякотнага надвор’я, якое было апошнія тыдні, у лес нельга было ісці нідзе па цэлай Віцебскай вобласці. Па стане на сённяшні дзень, 22-га чэрвеня, у Аршанскім, Дубровенскім і Талачынскім раёнах забарона на наведванне лясоў ужо знятая. А вось у Сенненскім і Лёзненскім раёне яна пакуль не знятая, хадзіць туды нельга, іначай існуе пагроза адміністрацыйнага пераследу. Цалкам магчыма, неўзабаве ўсе абмежаванні будуць прыбраныя, калі ападкі працягнуцца.