Пакуль будучыня аэрадрому ў Балбасаве застаецца не да канца акрэсленай, а за некалькі кіламетраў адсюль аршанскія чыноўнікі плануюць пабудову палігона для адкідаў, мясцовасць застаецца пад пільнай увагай як грамадскіх актывістаў і журналістаў, так і менскіх уладаў. Лукашэнка прыязджае сюды некалькі разоў нагод, а пры цяперашніх праектах вываду рэгіёна з «руінаў і попелу» колькасць візітаў павялічылася. Вось і цяпер пачалася падрыхтоўка да ліпеньскага візіту. Першага ўдару ад будучай паездкі прэзідэнта зазналі работнікі Авіярамонтнага завода. Іх пусцілі на ўзлётна-пасадачную паласу прыбірацца.
Тэму не абмінуў і вядомы блогер NEXTA. Ён піша: На Аршанскім авіярамонтным заводзе сёння спынілася вытворчасць. Прычына — усе наяўныя работнікі кінутыя на праполку травы на ўзлётна-пасадачнай паласе, рулёжных дарожках, стаянках самалётаў і верталётаў на аэрадроме прадпрыемства. Перш за ўсё, перш за ўсё — паказуха... Самалёты? Самалёты — на потым.
